လယ်သမားတစ်ယောက်ရဲ့သားလေးဟာ တောရွာလေးတစ်ရွာကနေ မြို့ပေါ်ရောက်လာတယ်။ အဖေက ဒုက္ခဆင်းရဲခံပြီး ကျောင်းထားပေးခဲ့လို့ ပညာကိုကြိုးစားသင်တယ်။ အထက်တန်းအောင်ပြီးအလုပ်လုပ်နေတုန်းမှာ တီဘီရောဂါဖြစ်လို့ ဂျပန်စစ်တပ်ထဲဝင်ခွင့်မရဘူး။ စစ်တပ်ထဲ မ၀င်ရလို့ဒုတိယကမ္ဘာစစ်ကြီးအတွက်ပြင်ဆင်နေတဲ့ ဂျပန်နိုင်ငံကို စီးပွားရေးနဲ့ တစ်ဖက်တစ်လမ်းက ကူညီဖို့ လမ်းစရှာတယ်။ ကိုယ်ပိုင်စက်ရုံလေးတစ်ရုံကိုအိမ်ဘေးမှာ အဖီလေးချပြီး ထူထောင်လိုက်တယ်။ နောက်တော့ လျှပ်စစ်ဂဏန်း ပေါင်းစပ်ကိုတီထွင်တယ်။ နောက်ပိုင်းမှာ အီလက်ထရောနစ် ပစ္စည်းအများအပြားကို တီထွင်ထုတ်လုပ်ပြီး ကမ္ဘာကိုတင်ပို့ဖြန့်ချီတယ်။ ကမ္ဘာကလေးစားရတဲ့ အင်ဂျီနီယာ၊ တီထွင်ပညာရှင်၊ စီးပွားရေးလုပ်ငန်းရှင်ကြီး ဖြစ်လာခဲ့တယ်။သူ့နာမည်က တာဒါအိုကာရှီယို (Tadao Kashio)ပါ။ Casio Coumpter Company ကိုတည်ထောင်ခဲ့သူပါ။
တာဒါအိုကို ၁၉၁၇ ခုနှစ်၊ နိုဝင်ဘာလ ၁၇ ရက်နေ့က ဂျပန်နိုင်ငံ ကူရေးတမူရာမြို့( အခု နန်ကိုကုမြို့ခေါ်) အနားက တောရွာလေးတစ်ရွာမှာမွေးဖွားခဲ့တယ်။ သူ့မှာညီအစ်ကိုသုံးယောက်ရှိပြီး သူက ဒုတိယမြောက်သားပါ။ အဖေက ရှိဂျဲကာရှီယိုနဲ့ အမေက ကီယိုနိုကာရှီယို ဖြစ်ပါတယ်။ သူတို့ဟာ လယ်သမားတွေဖြစ်ကျလို့ မိသားစုဝင်ငွေဟာ စားလောက်သောက်လောက်ရုံပါပဲ။
၁၉၂၃ ခုနှစ်ဂျပန်နိုင်ငံမှာ မြေငလျင်အကြီးစားတစ်ခု လှုပ်သွားခဲ့တယ်။ ဂျပန်နိုင်ငံရဲ့မြို့တော် တိုကျိုမြို့မှာ အဆောက်အဦးတွေအမြားအပြားပျိုလဲပျက်စီးကျကုန်ပြီး လူပေါင်းတစ်သိန်းကျော် သေဆုံးသွားခဲ့ကြတယ်။ တိုကျိုမြို့မှာ အလုပ်လုပ်နေတဲ့ တာဒါအိုရဲ့ ဦးလေးတစ်ယောက်က တိုကျိုမှာ အဆောက်အဦးအသစ်တွေပြန်ဆောင်နေကြလို့ ဆောက်လုပ်ရေးသမားတွေ အရမ်းလိုနေတယ်၊ လုပ်ခကောင်းတယ်လို့ လှမ်းအကြောင်းကြားတာနဲ့ တာဒါအိုရဲ့အဖေနဲ့ အမေဟာရှိတဲ့ပစ္စည်းတွေကိုထုတ်ပိုးပြီး ကလေးသုံးယောက်နဲ့အတူ တိုကျိုမြို့ကိုထွက်ခွာသွားကြတယ်။ သူတို့ဟာလယ်စိုက်၇တာထက် ဆောက်လုပ်ရေးအလုပ်ဟာ ပိုသက်သာမယ်၊ ၀င်ငွေလည်းပိုကောင်းမယ်၊ ကလေးတွေကိုလည်း ပညာကောင်းကောင်းသင်ပေးနိုင်မယ်လို့ထင်ပြီး သွားကြတာပါ။
တိုကျိုမြို့ရောက်ပြီး ရက်အနည်းငယ်အကြာမှာပဲ သူတို့အထင်နဲ့လက်တွေ့ကွာခြားနေတာကိုတွေ့ရတယ်။ တာဒါအိုရဲ့အဖေ ရှိဂျဲရုဟာ ဆောက်လုပ်ရေးလုပ်ငန်းမှာ အလုပ်တော့ရပါတယ်။ ဒါပေမယ့် ရတဲ့လစာက အရမ်းနည်းလွန်းလို့ မိသားစု စားမလောက်ရှာဘူး။ ရှိဂျဲရုဟာ ကျောင်းနေချင်လို့ပူဆာနေတဲ့ သားခတ် တာဒါအိုကိုကျောင်းထားပေးဖို့အလုပ်သွား အလုပ်ပြန်ခရီးစရိတ်ကိုချွေတာလိုက်တယ်။ စီးနေကျဘက်စ်ကားကို မစီးတော့ပဲ ခြေချင်လမ်းလျောက်တယ်။ အလုပ်ကိုအသွားအပြန်လမ်းလျှောက်တာ နေ့တိုင်း ၅ နာရီလောက်အချိန်ကြာတယ်။ အခုလို ဒုက္ခခံပြီး သူ့ကိုကျောင်းထားပေးတဲ့အဖေ့ကို စိတ်ချမ်းသာစေဖို့ တာဒါအိုဟာ စာကိုအရမ်းကြိုးစားတယ်။
ဒီလိုနဲ့တာဒါအိုဟာ ၁၉၂၉ ခုနှစ်မှာ အလယ်တန်းအောင်ပြီး ၁၉၃၁ ခုနှစ်မှာ အထက်တန်းစာမေးပွဲကို ထိပ်ဆုံးအဆင့်ကနေ အောင်မြင်ခဲ့တယ်။ ကျောင်းပြီးပြီးချင်းမှာပဲ သူက ဓာတ်ဆီ၊ စက်ဆီပုံးအခွံတွေကို အရည်ကျိုပြီး သံပြားလုပ်တဲ့စက်ရုံတစ်ခုမှာ အလုပ်လုပ်တယ်။ မကြာခင်မှာအလုပ်ပြောင်းပြီး စစ်သားတွေကိုချီးမြှင့်တဲ့ ဆုတံဆိပ်လုပ်တဲ့ စက်ရုံတစ်ခုမှာ သာမန်အလုပ်သမားအဖြစ်ဝင်လုပ်ပြန်တယ်။ သူ့ရဲ့ အလုပ်ကြိုးစားမှုနဲ့အထက်အတန်းအောင်ထားတဲ့ ပညာအရည်အချင်းကိုသိသွားတဲ့ စက်ရုံမန်နေဂျာက သူ့ကိုအီနိုမိုတို စက်ရုံက တွင်ခုံစက်ဆရာတစ်ယောက်ရဲ့လက်အောက်မှာ အလုပ်သွားလုပ်ခိုင်းလိုက်တယ်။ တာဒါအိုဟာ အာ့စက်ရုံမှာအလုပ်စတင်လုပ်တဲ့နေ့ကစပြီး နေ့တိုင်းမနက်အစောကြီးရောက်ပြီး အလုပ်မစခင်မှာ တွင်ခုံစက်ကို သန့်ရှင်းရေးလုပ်တယ်။ ညနေသိမ်းချိန်မှာ အိမ်မပြန်သေးဘဲ စက်ကိုအသေအချာသန့်ရှင်းရေးလုပ်ပြန်တယ်။ အလုပ်ပြီးချိန်မှာ တစ်နေ့တာသူ့ဆရာ ပညာသင်ပေးသမျှကို သူ့မှတ်စုစာအုပ်မှာ ရေးမှတ်တယ်။ ညအတော်မိုးချုပ်မှ အိမ်ကိုပြန်တယ်။ တာဒါအိုရဲ့ကြိုးစားမှုကိုမြင်တွေ့ပြီးသဘောကျသွားတဲ့ စက်ရုံပိုင်ရှင်က သူရဲ့ဝါဆဲဒအလုပ်သမားသင်တန်းကျောင်း( ယခုဝါဆဲဒ တက္ကသိုလ် Waseda University)မှာ စက်မှုပညာကို ကျွမ်းကျွမ်းကျင်ကျင် တက်အောင် နေ့ခင်းပိုင်းမှာ ကျောင်းတတ်ခိုင်းလိုက်တယ်။ စက်ရုံအလုပ်ကလဲ ထွက်စရာမလိုဘူးလို့ပြောတယ်။
တာဒါအိုဟာ ၀ါဆဲဒသင်တန်းကျောင်းက ကျောင်းဆင်းတော့ ရေဒီယိုမှာသုံးတဲ့ မီးလုံး(Radio Bulb) ထုတ်တဲ့စက်ရုံတစ်ခုမှာ အလုပ်ဝင်လုပ်တယ်။ သူဟာစက်ရုံမှာနေ့ရောညပါ ကြိုးစားပြီးအလုပ်လုပ်လွန်းလို့ အစားမမှန်၊ အအိပ်မမှန်တတ်တာကြောင် နေမကောင်းဖြစ်ပြီး အိပ်ယာထဲ ဗုန်းဗုန်းလဲသွားတယ်။ ဆေးရုံတက်ရတယ်။ ဆေးစစ်လိုက်တော့သူ့မှာ တီဗီရောဂါရှိနေတယ်တဲ့။ တီဘီရောဂါကြောင်းသူဟာ ဂျပန်စစ်တပ်မှာ အမှုထမ်းခွင့်မရတော့ဘူး။ အဲ့ခေတ်က ဂျပန်မှာစစ်မှုမထန်းတဲ့အမျိုးသားတွေဟာ ဂျပန်လူမျိုးတွေရဲ့ ကဲ့ရဲ့ရှုတ်ချမှုကို ခံကြ၇တယ်။ ဒါကြောင့်လည်း တာဒါအိုဟာနှစ်ပေါင်းအတော်ကြာအထိ ရှေ့ကလမ်းလျှောက်လာတဲ့ ဂျပန်စစ်သားတစ်ယောက်ကိုတောင် စေ့စေ့မကြည့်ရဲဘဲ အမြဲ မျက်နှာလွှဲသွားတတ်တယ်။
သူဟာစစ်တပ်ထဲမ၀င်ရလို့စိတ်ပျက်သွားပေမဲ့ ဒုတိယကမ္ဘာစစ်ကြီးအတွက်ပြင်ဆင်နေတဲ့ ဂျပန်ကိုတစ်ဖက်တစ်လှမ်းက ကူညီဖို့ လမ်းစရှာတယ်။ အမြောက်ကျည်ဆံထုတ်တဲ့စက်ရုံတစ်ခုမှာ အလုပ်ဝင်လုပ်တယ်။ မကြာခင်မှာပဲ အလုပ်ကထွက်လိုက်တယ်။ ထွက်လိုက်ရတဲ့ အကြောင်းအရင်းကအပေါ်က ညွှန်ကြားတဲ့အတိုင်းလုပ်နေရတာကို စိတ်ပျက်လာလို့ပါ။ နောက်ပြီးစက်ရုံမှာ သူတီထွင်ချင်တာတွေလုပ်နိုင်ဖို့ ကိုယ်ပိုင်စက်ရုံတစ်ခုထူထောင်ဖို့စိတ်ကူးလိုက်တယ်။
၁၉၄၂ ခုနှစ်မှာ စတင်ဖြစ်ပွားခဲ့တဲ့ ဒုတိယကမ္ဘာစစ်ကြီးအတွင်းမှာ တာဒါအိုဟာ ဂျပန်စစ်လောယာဉ်ရဲ့ ပစ္စည်းအစိပ်အပိုင်းတွေကိုထုတ်တဲ့ စက်ရုံသေးသေးလေးတစ်ခုထောင်လိုက်တယ်။ စက်ရုံလို့သာပြောတာ သူ့အိမ်ဘေးက မြေကွက်လပ်လေးမှာ အဖီထုတ်ပြီး အရင်လုပ်လာခဲ့တဲ့ အီနိုမိုတိုစက်ရုံက ၀ယ်လိုက်တဲ့ တွင်ခုံအဟောင်းလေးတစ်လုံးနဲ့ ပစ္စည်းထုတ်နေတာပါ။ အရင်စက်ရုံတွေမှာ လုပ်ခဲ့စဉ်က ရင်းနှီးခဲ့တဲ့လုပ်ငန်းရှင်တွေက အလုပ်လာအပ်ကြလို့ သူ့စက်ရုံလေးဟာ ၀င်ငွေပုံမှန်လေးရလေပါတယ်။ နောက်တော့ဘဏ်က ငွေချေးယူပြီး တွင်ခုံအသစ်တွေဝယ်ယူလိုက်တယ်။ အလုပ်သမားတွေထပ်ခန့်တယ်။စစ်လေယာဉ်အစိတ်အပိုင်းတွေမှန်မှန်ထုတ်ပေးနေရင်း ၀င်ငွေကောင်းလာတဲ့ တာဒါအိုဟာ ၁၉၄၃ ခုနှစ်မှာ သူ့အမေပေးစားတဲ့ မိန်းမနဲ့လက်ထပ်လိုက်ပါတယ်။ဘဏ်ကနေချေးထားတဲ့ ပိုက်ဆံတွေကိုလည်းမကြာခင်မှာအားလုံးပြန်ဆပ်နိုင်ခဲ့တယ်။ တာဒါအိုအတွက် ဆုရောလာဘ်ကောဝင်တဲ့နှစ်ပဲ။
၁၉၄၅ ခုနှစ်မှာ ဒုတိယကမ္ဘာစစ်ကြီး ပြီးသွားပြီ။ စစ်အတွင်းမှာ သူတို့နေတဲ့အိမ်နဲ့ စက်ရုံဟာ အမေရိကန်စစ်လေယာဉ်တွေရဲ့ ဗုံးကြဲချတာ ခံလိုက်ရလို့ လုံးဝပျက်စီးသွားခဲ့တယ်။ စစ်ကြီးပြီးသွားတာမို့ စစ်လေယာဉ်အတွက် ပစ္စည်းမှာတာတွေမရှိတော့ဘူး။ ဒီအချိန်မှာ ဒန်နဲ့ပက်သတ်တဲ့ပစ္စည်းမျိုးစုံ ထုတ်လုပ်နိုင်တဲ့စက်ကြီးနဲ့ဆိုရင် အိမ်တွေမှာ လိုအပ်နေကြတဲ့ ပစ္စည်းမျိုးစုံကို ထုတ်ပေးနိုင်လိမ့်မယ်။ စစ်ပြီးစ ကာလဆိုတော့ အိမ်တိုင်းမှာ ဒီပစ္စည်းတွေလိုအပ်နေတာမို့ ဈေးသက်သက်သာသာနဲ့ရောင်းနိုင်ရင် ပစ္စည်းတွေအများကြီးရောင်းရမယ်လို့ တာဒါအိုကတွက်မိတယ်။
ဒါပေမယ့် စက်ကြီးကိုဝယ်ပြီးရင် သယ်ယူဖို့အခက်အခဲတွေ့နေတယ်။ စက်ကြီးဟာသူတို့နေတဲ့တိုကျိုမြို့ကနေ မိုင် ၂၀၀ ကွာဝေးတဲ့ မြို့လေးမှာ ရှိနေတယ်။ စက်ကြီးဟာ ပေါင်တစ်ထောင်(တန်ဝက်နီးပါး) လေးတယ်။ စစ်ပြီးစမို့ ရထား၊ကားလမ်းတွေပျက်နေလို့သယ်စရာ ရထား၊ကားတွေမရှိဘူး။ စက်ကြီးကိုဝယ်ပြီးရင် ဘယ်လိုသယ်ယူကျမလဲလို့သူတို့ သားအဖတွေတိုင်ပင်ကြတယ်။ တာဒါအိုရဲ့အဖေ ရှိဂျဲရုက သူ့အကြံတစ်ခုကိုပြောပြတယ်။ ဒီအကြံအတိုင်း သူတို့ရပ်ကွက်ထဲက ဘီးနှစ်ဘီးတပ် တွန်းလှည်းတစ်စီးကိုငှားလိုက်ပြီး ရှေ့မှာစက်ဘီးတစ်စီးကို တပ်ဆင်လိုက်ကျတယ်။ သားအဖသုံးယောက်ဟာ စက်ဘီးကို တစ်လှည့်စီနင်းကျရင်း အဲ့ဒီမြို့ကိုဆွဲသွားကြတယ်။ မြို့လေးကိုရောက်တော့စက်ကြီးကို လှည်းပေါ်တင် စက်ဘီးတစ်လှည့်စီနင်းပြီး အိမ်ကိုပြန်ဆွဲယူလာခဲ့ကျတယ်။ လမ်းမှာ သီတင်းအပတ်ပေါင်းများစွာ ကြာပြီးမှအိမ်ကို ပြန်ရောက်လာကြတယ်။ ထုတ်လုပ်တဲ့ပစ္စည်းတွေဟာ အရမ်းရောင်းရတယ်။ ၁၉၄၃ ခုနှစ်ဧပြီလမှာ တာဒါအိုတို့သားအဖဟာ ကာရှီယိုဆေဆာကုဂျို Kashio Seisakujo ဆိုတဲ့ ကုမ္ပဏီတစ်ခုကို ထောင်လိုက်ကြတယ်။ ဒီကုမ္ပဏီဟာနောင်တစ်ချိန်မှာ Casio Coumpter Companyဖြစ်လာပါတယ်။ Casio ဆိုတာ Kashio ကိုအသံထွက်ယူထားတာပါ။ ကာရှီယိုကုမ္ပဏီက စက်ပစ္စည်းမျိုးစုံထုတ်လုပ်တယ်။ မကြာခင်မှာပဲလုပ်ငန်းမှာ လျှပ်စစ်ပညာကျွမ်းကျင်သူ အရေးတကြီးလိုအပ်နေလို့ တာဒါအိုက အစိုးရဆက်သွယ်ရေး ကုမ္ပဏီတစ်ခုမှာ အလုပ်လုပ်နေတဲ့ သူ့ညီ တိုရှီအိုကို အလုပ်ထွက်ပြီး သူနဲ့လက်တွဲလုပ်ဖို့ခေါ်လိုက်တယ်။ သူ့ညီလဲ အလုပ်ထွက်ပြီးရောက်လာလို့ ညီအစ်ကိုနှစ်ယောက် ပစ္စည်းလေးတွေတီထွင်တယ်။ Yulia ခေါ်တဲ့ စီးကရက်တပ်လို့ရတဲ့ လက်စွပ်လေးတွေ၊ ဘီစကစ်မုန့်ဖုတ်တဲ့ စက်လေးတွေတီထွင်ကြတယ်။ အဲဒါတွေကို လူကြိုက်များပေမယ့် တာဒါအိုတို့ဟာ ဒီထက်ကြီးကျယ်တဲ့ ပစ္စည်းထုတ်ဖို့ အကြံထုတ်နေကျတယ်။
၁၉၄၉ ခုနှစ်မှာ တာဒါအိုဟာ တိုကျိုမြို့လယ် ဂင်ဇာရပ်ကွက်က ဟိုတယ်တစ်ခုမှာ ကျင်းပတဲ့စီးပွားရေးဆိုင်ရာ ဆွေးနွေးပွဲတစ်ခုကို သွားတက်တယ်။ ဆွေးနွေးပွဲအပြီးမှာ ပြိုင်ပွဲလေးတစ်ခုလုပ်တယ်။ စင်မြင့်ပေါ်မှာအမေရိကန် လုပ်ဂဏန်းပေါင်းစက် (Calculator) ကိုင်ထားတဲ့ အမေရိကန်စစ်သားတစ်ယောက်နဲ့ ပေသီးဂဏန်းပေါင်းအမြန်ပြိုင်ပွဲပါ။ ပြိုင်ပွဲစတာနဲ့ စင်အောက်ကနေကြည့်ရှုနေကျတဲ့ ဂျပန်လူမျိုးတွေဟာ သူတို့ဂျပန်လူမျိုးပေသီးသမားကို အကြီးအကျယ်အော်ဟစ်အားပေးကြပေမဲ့လဲ ပြိုင်ပွဲအဆုံးမှာ အမေရိကန်ဂဏန်းပေါင်းစပ်သမားပဲနိုင်သွားခဲ့တယ်။ တာဒါအိုဟာ ဒီပြိုင်ပွဲကနေသင်ခန်းစာတစ်ခုရလိုက်တယ်။ အဲ့ဒါဟာဘယ်လောက်ပဲ အမျိုးသားစိတ်ဓာတ်ပြင်းထန်လွန်းလှပါစေ၊ ဘယ်လောက်ပဲသေအောင်ကြိုးစားနေပါစေ။ ဂျပန်ဟာအမေရိကန်ကို စက်မှုနည်းပညာကိုမယှဉ်နိုင်သေးဘူးဆိုတာပါပဲ။ နောက်ပြီးပြိုင်ပွဲမှာတွေ့လိုက်တဲ့ အမေရိကန်လုပ် ဂဏန်းပေါင်းစပ်ရဲ့ အားနည်းချက်ကိုသတိပြုမိလိုက်တယ်။ အဲ့ဒါတွေက ဂဏန်းပေါင်းစပ်တွေထဲမှာတပ်ဆင်ထားတဲ့ ပင်နီယံ၊ ဂီယာတွေကိုသတ္တုနဲ့လုပ်ထားလို့ စက်ဟာကြီးမားလေးလန်လွန်းနေတယ်။ ပြီး၇င်ဂဏန်းစပေါင်းတော့မယ်ဆိုရင် စက်ကိုသံပတ်တင်းလာအောင် လက်ကိုင် handle ကိုလဲ လက်နဲ့လှည့်ပေးရသေးတယ်။ အရမ်းလည်းဈေးကြီးလို့လူတိုင်းမ၀ယ်နိုင်ကျဘူး။ ဒါကြောင့်ဈေးသက်သာပြီး သေးငယ်တဲ့ လျှက်စစ်ဂဏန်းပေါင်းစက်ကို တီထွင်ဖို့အကြံသူခေါင်းထဲ ပေါ်လာတယ်။
၁၉၅၀ ပြည့်နှစ် ဇန်န၀ါရီလမှာ တာဒါအိုကလျှပ်စစ်ကျွမ်းကျင်တဲပ သူ့ညီ တိုရှီအိုကို လျှပ်စစ်ဂဏန်းပေါင်းစက်တစ်ခုကို တီထွင်ခိုင်းပြီး မိသားစုအားလုံးက ၀ိုင်းကူလုပ်ပေးကြတယ်။ သူတို့ဟာနေ့ခင်းပိုင်းမှာစားဖို့ ၀င်ငွေရအောင်ပုံမှန်ထုတ်နေကျ မီးဖိုချောင်သုံး ဒန်ပစ္စည်းတွေကို ထုတ်လုပ်ကြတယ်။ အလုပ်သိမ်းညစာစားပြီးမှ လျှပ်စစ်ဂဏန်းပေါင်းစက်ကို တီထွင်စမ်းသပ်တာတွေကို တစ်ညလုံးလုပ်ကြတယ်။ သူတို့မှာငွေအလုံအလောက်မရှိလို့ လျှပ်စစ်ကျွမ်းကျင်ပညာရှင်တွေကို အလုပ်မခန့်ထားနိုင်ကြဘူး။ ဒါကြောင့်လျှပ်စစ်နည်းပညာပိုင်းကို ညီဖြစ်သူ တိုရှိအို တစ်ယောက်ထဲကပဲ ဒိုင်ခံလုပ်ရတယ်။
နောက်ဆုံး ၁၉၅၄ ခုနှစ်မှာ လျှပ်စစ်ဂဏန်းပေါင်းစက် ရှေ့ပြေးပုံစံ(Prototype) ၆ ခုကို တီထွင်လိုက်နိုင်ပြီ။ ဂျပန်နိုင်ငံရဲ့ပထမဆုံးလျှပ်စစ်ဂဏန်ပေါင်းစက်တွေပါ။သူတို့ဟာစက်တွေကို အမျိုးမျိုးစမ်းသပ်ကြည့်ကြပြီးလို့ ကျေနပ်တာနဲ့ ဘွန်ရှင်ဒိုကော်ပိုရေးရှင်းများ သွားရောက်ပြသဖို့ ချိန်းဆိုလိုက်တယ်။ ဘွန်ရှင်ဒိုဆိုတာ ဂဏန်းပေါင်းစက်အပါအ၀င် ရုံးသုံးပစ္စည်းတွေကို အများကြီးရောင်းချနေတဲ့ ကုမ္ပဏီကြီးပါ။ ဘွန်ရှင်ဒိုက တာဒါအိုတို့ လာရောက်စမ်းသပ်ပြသတဲ့ ဂဏန်းပေါင်းစက်ကိုကြည့်ပြီးသူတို့စက်ဟာ ဂဏန်းတွေကို ဆက်တိုက်မြှောက်လို့မရဘူး။ တစ်ကြိမ်ကိုတစ်ခေါက်ပဲမြောက်နိုင်တယ်။ရတဲ့ အဖြေကိုစာရွက်ပေါ်မှာ ရေးမှတ်ထားပြီးမှ နောက်တစ်ကြိမ်ပြန်မြှောက်နေရလို့ အချိ်န်တွေကြန့်ကြာတယ်။ ဒါကြောင့်ဘိုရှင်ဒိုက ၀ယ်ဖို့ငြင်းလိုက်တယ်။ အခုလိုငြင်းလိုက်ပေမယ့် တာဒါအိုတို့ဟာ စိတ်ပျက်မသွားကြပါဘူး။ ဘဏ်ကနေ ငွေချေးပြီး သူတို့စက်ကို ပိုကောင်းအောင်လုပ်ကျတယ်။
တာဒါအိုတို့ဟာ သူတို့ဂဏန်းပေါင်းစပ်မှာ ဂဏန်းတွေကို ဆက်တိုက်မြှောက်လို့မရတဲ့ အားနည်းချက်ကို ပြုပြင်လိုက်နိုင်ပေမယ့် သတ္တုပ်နီယံ၊ ဂီယာတွေကိုသုံးထားတာမို့ စက်ဟာဂဏန်းတွက်ရင် ဆူညံနေသေးတယ်။ ဒါကြောင့်ပင်နီယံဂီယာတွေကို အသံမထွက်တဲ့ လျှပ်စစ်ရီလေး(relay) ပစ္စည်းတွေနဲ့ အစားထိုးလဲလိုက်တယ်။ ဂဏန်းပေါင်းစက်ရဲ့အရွယ်အစားဟာ အတော်လေးငယ်သွားသလို ဆူညံသံလည်းပျောက်သွားတယ်။
၁၉၅၆ ခုနှစ် နှစ်ကုန်ပိုင်းမှာ တာဒါအိုနဲ့ညီအစ်ကိုတွေဟာ သူတို့ဂဏန်းပေါင်းစက်ကို ကုမ္ပဏီတစ်ခုမှာ မိတ်ဆက်စမ်းသပ်ပြဖို့ ဆက်ပိုရိုမြို့ကို လေယာဉ်နဲ့ထွက်ခွာသွားကြတယ်။ လေဆိပ်ရောက်တော့ လုံခြုံရေးအရာရှိက စက်အတွင်းပိုင်း လုံခြုံရေးအရ စစ်ဆေးကြည့်ချင်တယ်ဆိုရင် စက်ရဲ့အပေါ်ပိုင်းကို ဖြုတ်ပြီးဖွင့်ပြပေးလိုက်ရတယ်။ သူတို့ပြသမဲ့ ကုမ္ပဏီကို ရောက်သွားတော စက်ရဲ့ဖြုတ်ထားတဲ့ အပေါ်မလုပ်တော့ဘူး။ သူတို့ညီအစ်ကိုတွေလဲ အမျိုးအမျိုးကြိုးပြင်ကြပေမယ့် စက်ကပြန်ကောင်းမလာတော့လို့ လက်လျှော့လိုက်ကြပြီး သူတို့တီထွင်ထားတဲ့ လျှပ်စစ်ဂဏန်းပေါင်းစက်အကြောင်း ရိုက်ထားတဲ့ဓာတ်ပုံတွေကိုပဲ ပိတ်ကားပေါ်မှာဆလိုက်ထိုး၍ ရှင်ပြပြီးပြန်လာခဲ့ကြတယ်။
သူတို့အိမ်ကိုပြန်ရောက်ပြီ ရက်အနည်းငယ်အကြာမှာ အူရှိဒါကုမ္ပဏိ(Uchida Co.,Ltd) က လူတစ်ယောက်က တာဝါအိုဆီကို ဖုန်းဆက်လာတယ်။ အူရှီဒါကုမ္ပဏီကိုလာပြီး လျှပ်စစ်ဂဏန်းပေါင်းစက်ကို စမ်းသပ်ပြသပေးဖို့ ဖိတ်ကြားတာပါ။ အူရှီဒါအရဲ့ကိုယ်စားလှယ်တစ်ယောက်က သူတို့စက်အကြောင်းကို ဆက်ပိုရိုမြို့မှာ ဆလိုက်ထိုးရှင်းပြခဲ့စဉ်က တွေ့မြင်ခဲ့ပြီးကတည်းက စိတ်ဝင်စားနေခဲ့တာပါ။ တာဒါအိုတို့ သွားရောက်စမ်းသပ်ပြကြတယ်။ အူရှီဒါကုမ္ပဏီက သဘောကျလို့ လျှပ်စစ်ဂဏန်းပေါင်းစက်တွေကို ထုတ်လုပ်ပြီး ပစ္စည်းသွင်းဖို့ တာဒါအိုတို့ရဲ့ Casio Computer ကုမ္ပဏီနဲ့ စာချုပ်ချုပ်လိုက်တယ်။
၁၉၅၇ ခုနှစ်ဇွန်လမှာ Casio 14-A Calculator တွေစထုတ်လိုက်တယ်။ 14-A ဟာပြိုင်ပွဲမှာတွေ့ခဲ့တဲ့ အမေရိကန် ဂဏန်းပေါင်းစက်ထက်အများကြီးသေးငယ်ပေမယ့် ယနေ့မြင်တွေ့နေရတဲ့ Calculator တွေထက်တော့ အတော်ကို ကြီးနေပါသေးတယ်။ Casio ကုမ္ပဏီက စက်တစ်ခုလုံးကို ယန်း ၉ သိန်းနီးပါး(အမေရိကန်ဒေါ်လာ ၁၁,၀၀၀ကျော်နဲ့) ရောင်းပါတယ်။ Casio စက်ဟာဈေးအရမ်းကြီးပေမယ့် နိုင်ငံခြားကထုတ်တဲ့ စက်တွေထက်အများကြီးသေးငယ်ပြီး ပိုမိုမြန်ဆန်စွာ တွက်နိုင်လို့ လူကြိုက်များလာတယ်။ နောက်ပြီးတော့ ဂျပန်လူမျိုးတွေဟာသူတို့ရဲ့ ပြည်တွင်းဖြစ်တွေက်ို အားပေးကျလို့ Casio calculator တွေဟာ ထုတ်သလောက်ရောင်းကောင်းနေခဲ့တယ်။ အဲ့ဒီမှာ တာဒါအိုတို့ဟာ သူတို့ရဲ့Kashio Seisakujo ကုမ္ပဏီကို Casio computer Co.,Ltd လို့အမည်ပြောင်းပြီးမှတ်ပုံတင်ခဲ့ကြတယ်။
တာဒါအိုဟာ Casio ကုမ္ပဏီရဲ့ ဥက္ကဌ ဖြစ်လာခဲ့တယ်။ Casio က စက်ရုံအသစ်တွေဆောက်လုပ်ဖွင့်လှစ်တယ်။ ၀န်ထမ်းတွေအတွက် စက်မှုကောလိပ်ကျောင်းတစ်ခုဖွင့်ပြီး ခေတ်မီစက်မှုနဲ့ လျှပ်စစ်နည်းပညာတွေ သင်ပေးတယ်။ နောက်ပိုင်းမှာ Casio Calculator တွေအပြင် လျှပ်စစ်လက်နှိပ်စက်၊ သိပ္ပံဂဏန်းပေါင်းစက်တွေပါ ထုတ်လာတယ်။ တာဒါအိုဟာ စစ်ရှုံးတဲ့ဂျပန်နိုင်ငံကို စီးပွားရေးနဲ့ ကမ္ဘာ့ထိပ်တန်းနိုင်ငံဖြစ်ရမယ်ဆိုတဲ့ စိတ်ဓာတ်နဲ့ ကြိုးစားလိုက်တာ Casio ပစ္စည်းတွေဟာ ကမ္ဘာအနှံကိုတင်ပို့ရောင်းချနေရတယ်။ အဲဒီအချိန်ဟာ Casio ရဲ့ အအောင်မြင်ဆုံးကာလပါပဲ။ ဒါပေမယ့်ကုမ္ပဏီတစ်ခုဟာ အောင်မြင်မှုကိုအကြာကြီးထိန်ထားဖို့ဆိုတာ မလွယ်ကူလှပါဘူး။ Casio ကိုမြတ်ချေမပြတ် စောင့်ကြည့်နေပြီး အားနည်းချက်တွေကို ရှာနေတဲ့ပြိုင်ဖက်ကုမ္ပဏီတွေရှိနေတယ်ဆိုတာကို Casio ကမေ့သွားတယ်။ Casio ဟာ အောင်မြင်မှုမှာသာယာမိန်းမောပြီး အိပ်မောကျနေခဲ့တယ်။ အဲဒီလိုတစ်ခဏတာအိပ်ပျော်သွားတာလေးဟာ ကုမ္ပဏီကို အကြီးအကျယ်ထိခိုက်သွားစေခဲ့ပါတယ်။
Casio ကပြိုင်ဘက်ကိုမေ့သွားရတဲ့အကြောင်းက တာဒါအိုတို့ညီအစ်ကိုတွေဟာ ဂေါက်သီးရိုက်ကစားတာကိုအရမ်း ၀ါသနာပါသွားကျပြီး အလုပ်ထဲမှာစိတ်မ၀င်စားကြတော့ပဲ ဂေါက်သီးပဲတစ်နေကုန်ရိုက်နေတယ်။ သူတို့ဟာပိုက်ဆံချမ်းသာလာတော့လဲ ကုမ္ပဏီကိုပြန်မကြည့်ပဲ အောက်ကလူတွေနဲ့ပဲ လွှတ်ထားလိုက်တယ်။ ဒီအချိန်မှာပြိုင်ဘက်ဖြစ်တဲ့ Sharp Corporation ကုမ္ပဏီဟာ Casio ကနေသုံးနေတဲ့ လျှပ်စစ်ရီလေး(relay)တွေထက်ပိုပြီး သေးငယ်တဲ့ထရန်စစ္စတာ(transisitor)တွေတပ်ဆင်ထားတဲ့ Calculator တွေထုတ်လိုက်တယ်။ အရွယ်ကြီးမားတဲ့ Casio Calculator တွေဟာရောင်းအားထိုးကျသွားပြီး လက်ဖ၀ါးပေါ်တင်ပြီး ခုလုတ်နှိပ်တွက်ချက်နိုင်တဲ့ Sharp Calculator တွေဟာ လူကြိုက်များလွန်းတဲ့ ဂဏန်းပေါင်းစက်ဖြစ်လာခဲ့တယ်။ အလုပ်သမားတွေတော်တေ်ာများများလည်းအလုပ်ပြုတ်ကုန်ကျတယ်။
အခုမှ Casio ဟာအိပ်မောကျနေရာကနေ ပြန်လည်နိုးထလာပါတော့တယ်။ သူတို့စမ်းသပ်ဓာတ်ခွဲခန်းတွေမှာ Calculator အသစ်အဆန်းတွေထွင်ဖို့ အကြီးအကျယ်ကြိုးစားတော့တယ်။ ၁၉၆၅ခုနှစ် စက်တင်ဘာလမှာ Casio က 001 Desktop Calculator ကိုထွင်လိုက်တယ်။ အဲ့ဒီ Calculator ရဲ့ Sharp Calculator ထက်အားသာတာက စက်မှာ မှတ်ညဏ်(memory)ပါတယ်။ တွက်ပြီးတာတွေကို memory ထဲသိမ်းထားလို့၇တယ်။ ဒါကြောင့် Casio Desktop Calculator တွေကို ဂျပန်နိုင်ငံရဲ့ရုံတိုင်းလိုလိုမှာ အသုံးပြုလာကြတယ်။
ဒါပေမယ့်ဂျပန်ပြည်တွင်းဈေးကွက်မှာ ၀ယ်လိုအားကျလာပြီမို့တာဒါအိုဟာ အမေရိကန်နဲ့ဥရောပ နိုင်ငံတွေကို Casio Calculator တွေတင်ပို့တယ်။ သေးငယ်လှပြီး memory ပါတဲ့ Casio စက်ကလေးတွေကို အဲ့ဒီနိုင်ငံကလူတွေအရမ်းကြိုက်ကျလို့ အများကြီးတင်ပို့နေ၇တယ်။ ၁၉၇၀ ပြည့်နှစ်မှာ Casio ဟာ လူထုကိုအစုရှယ်ယာတွေစတင်ရောင်းချတယ်။ စရောင်းတဲ့ ရှယ်ယာတန်ဖိုးတွေဟာ နေ့တွင်းချင်းပဲလေးဆအထိတက်သွားတယ်။ နောက်ပိုင်းမှာ Casio ရဲ့ရှယ်ယာတွေကို နိုင်ငံတကာရှယ်ယာဈေဒကွက်မျာစတင်ရောင်းချလာကြတယ်။
တာဒါအိုဟာ ဂဏန်းပေါင်းစက် Calculator ခေတ်ကုန်တော့မယ်ဆိုတာ ရိပ်စားမိလာတယ်။ ဒါကြောင့်နောက်ထက်ပစ္စည်းတစ်မျိုးကို တီထွင်ဖို့ စိတ်ကူးကြံစပြန်တယ်။ ဒီတစ်ခါတော့အရင်က Casio Calculator တွေမှာ IC chip လို အီလက်ထရောနစ်ပစ္စည်းတွေသုံးပြီး ပစ္စည်းအရွယ်အစားတွေကို ချုံ့နိုင်ခဲ့တဲ့ အတွေ့အကြုံလေးတွေကိုအခြေခံပြီး နောက်ပစ္စည်းတစ်မျိုးထုတ်လုပ်လိုက်ပါတယ်။ အဲဒါက အီနစ်ထရောနစ် နာရီပါ။ နှစ်ပေါင်းများစွာကတည်းက အဲဒီအချိန်အထိ ဆွစ်ဇာလန်နိုင်ငံကထုတ်တဲ့ Rolex နဲ့ Omega နာရီတွေနဲ့ ဥရောပနိုင်ငံတွေက လျှပ်စစ်နာရီတေဟာ တစ်ကမ္ဘာလုံးမှာ အရမ်းခေတ်စားနေခဲ့တယ်။ အဲ့ဒီနာရီတွေဟာ အချိန်တိကျသလို အကြမ်းခံတာကြောင့် လူတွေကြိုက်ကျတာပါ။ ဒါပေမယ့်နာရီတွေဟာ ဈေးကြီးလွန်းလို့ ပိုက်ဆံချမ်းသာတဲ့လူတွေပဲ ၀ယ်ပတ်နိုင်ကျတယ်။ Rolex နဲ့ Omega နာရီတွေကို ဈေးသက်သာတဲ့ အီလက်ထရောနစ် နာရီတွေနဲ့ယဉ်နိုင်လိမ့်မယ်လို့ တာဒါအိုက ယုံကြည်နေတယ်။ နာရီမှာတပ်ဆင်တဲ့ အီလကထရောလစ် ပစ္စည်းတွေဟာ တန်ဖိုးမကြီးလို့ နာရီတွေအများကြီးထုတ်နိုင်ရင် နာရီဈေးသက်သာမယ်ဆိုတာ သူသိနေတယ်။
ဒါကြောင့် ၁၉၇၀ ပြည့်နှစ်နောက်ပိုင်းမှာ Seiko,Casio စတဲ့အီလတ်ထရောနစ် လက်ပတ်နာရီတွေပေါ်လာခဲ့တယ်။ နာရီဒီဇိုင်းတွေကလှပသလိုဆွတ်ဇာလန်နဲ့ဥရောပထုတ်နာရီတွေရဲ့ ၁၀ ပုံ ၁ ပုံလောက်ပဲရှိတာကြောင့် တစ်ကမ္ဘာလုံးကလူတွေဟာ အီလစ်ထရောနစ် လတ်ပတ်နာရီတွေကို ၀ယ်လာကြတယ်။ ဆွစ်ဇာလန်နဲ့ ဥရောပထုတ်တဲ့ နာရီတွေကို ၀ယ်ယူသူနည်းသွားလို့ အဲဒီကနာရီထုတ်လုပ်သူ လူတွေရဲ့ ၀င်ငွေတွေထိုးကျသွားကြတယ်။ တချို့ကုမ္ပဏီတွေလည်း အရှုံးပေါ် စက်ရုံတွေပိတ်လိုက်ကျရတယ်။
၁၉၈၀ ပြည့်နှစ်ကျတော့ Casio ကုမ္ပဏီဟာ သူတို့ကျွမ်းကျင်တဲ့ အီနစ်ထရောနစ် နည်းပညာအပေါ်အခြေခံပြီး ပစ္စည်းအသစ်တွေထက်ထုတ်ပါတယ်။ အဲဒါတွေကတော့ Casiotone-201 ဆိုတဲ့ ပထမဆုံး အီလစ်ထရောနစ်ကီးဘုတ်တူရိယာ၊ အိပ်ဆောင် LCD TV လေးတွေ၊ တယ်လီဖုန်း၊ ရေဒီယို၊ Pager နဲ့ electronic notebook စတဲ့ အီလစ်ထရောနစ်ပစ္စည်းတွေဆက်တိုက် ထုတ်လာခဲ့တယ်။ ထိုပစ္စည်းတွေကြောင့်လည်း ကမ္ဘာကြီးမှာလူနေမှုအဆင့်အတန်း တိုးတက်ပြောင်းလဲလာခဲ့တာကို ဘယ်သူမှမငြင်းနိုင်ကြပါဘူး။
တာဒါအိုကာရှီယိုဟာ Casio Computer ကုမ္ပဏီကို စတင်ထူထောင်ခဲ့သူ ဖြစ်ရုံမက ကုမ္ပဏီကို ၂၈ နှစ်ကြာလဲ ဦးဆောင်ခဲ့ပါတယ်။ ၁၉၈၈ ခုနှစ်မှာသူဟာ Casio ကုမ္ပဏီကနေ အနားယူလိုက်ပြီး သူ့ညီ တိုရှီအိုကိုဦးဆောင်ခိုင်းပါတယ်။ သူကတော့အကြံပေးပုဂ္ဂိုလ်အနေနဲ့ ဆက်နေသွားပြီး ၁၉၉၃ ခုနှစ်မတ်လ ၅ ရက်နေ့ အသက်၇၅နှစ်မှာ ကွယ်လွန်သွားခဲ့ပါတယ်။
တာဒါအိုရဲ့ ၁၉၅၇ ခုနှစ်မှာ တည်ထောင်ခဲ့တဲ့ Casio Computer Company ဟာ ယနေ့ထိတိုင် ရပ်တည်နေဆဲပါ။ ကမ္ဘာအရပ်ရပ်မှာ ၀န်ထမ်းထောင်ပေါင်းများစွာနဲ့ အီနစ်ထရောနစ်ပစ္စည်းတွေကို မှန်မှန် ထုတ်လုပ်ရောင်းချနေဆဲပါ။ ရုံသုံးပစ္စည်းတွေ၊ ဒီဂျစ်တယ်ကင်မရာတွေ၊ Printer တွေ၊ Cash Machine တွေ၊ G Shock လက်ပတ်နာရီတွေကို တစ်နှစ်ကို အမေရိကန်ဒေါ်လာ ၃ ဘီလီယံဖိုးလောက်ရောင်းနေရပါတယ်။
